vijyli'u
14 Aug 2023Witagfrey
la .aisak je la gabri'elas ba'o platu lo nu klama la rontu'a kei ze'a su'o mastilo re mei goi ko'a cu ba'e fizbu lo nu pu'o klama .ijebo milxe xanka .i ko'a pu nu'o klama lo vijytcana je na'e djuno lo du'u makau se kanpe
ni'o ko'a klama lo vijytcana poi'a clira .iku'ibo ko'a za'o se nabmi pu lo nu cmeveigau ti'u li paci .i pamai lo karce pe la .aisak pu spofu binxo fa'a mo'i lo vijytcana .i ko'a bilga lo nu klacpe lo lacpu karce kei noi'a bavypunji ko'a pa cacra .i babo la gabri'elas cu sajbi'o lo nu ri tolmo'i tu'a lo jaspu noi zvati lo zdani .i ko'a bilga lo nu ma'ekla lo zdani ko'au lo nu cpacu lo jaspu noi'a lo litru cu jai se bavypunji fi za'u moi cacra
ni'o ko'a pu za'o darca lo vijytcana je cu cmeveigau ko'au lo nu selma'ebi'o lo vinji
.i lo re mei cu gleki lo nu co'a litru .iku'i ko'a za'o se nabmi .i lo badysoi be lo cipctastu cu fengu je sutydji .i by cusku fi ko'a lu do bilga lo nu toldasygau lo cutci je lo befsri .i ko sutra ki'u lo nu mi tolcando .uinai li'u
la .aisak je la gabri'elas ba'o co'a cinmo loka dunku je dusfri kei ca lo nu ko'a punji lo cutci lo tanxe .i o'onai ti mo!!! sei cusku fa lo badysoi poi'a by degja'o lo djacu botpi .i lu xu do ka'e tcidu fi lo sinxa?? .i ko sanli lo lamji .i mi nitcu lo nu catlu lo dakli pe do li'u
za'o ku ko'a mo'u pagre lo kambandu cipctastu .i ku'i ko'a za'o cinmo loka burna .i ko'a klama lo vorme je denpa fo lo nu selma'ebi'o lo vinji .i lo vijytcana cu cladu je predenmi .ije ko'a se nandu lo nu tirna vi .i ko'a pu co'a cinmo lo ka tatpi je se fanza
ze'i pu'o lo nu ko'a selma'ebi'o lo vinji kei lo selsnapra cu bacru lu ju'i ro selmarce poi ponse lo selma'e jaspu pe la ropno varbeikagni ce lo nunvofli namcu be fa li ry vy soci bei fi'o selklama la .ernygu'e. .i lo nunvofli pe do cu se bavypunji .ije ny ca'a te tcikygau li vo
.i lo cnino vorme cu me li by remu .i ko klama lo cnino vorme ca lo cabna li'u
.i lo remei cu badri .i ku'i birti lo du'u ko'a ka'enai zukte su'o da .i ko'a zutse ne'i lo denpa kumfa je troci lo ka surla
ba so'u cacra lo vinji za'o mo'u cliva .i la .aisak je la gabri'elas cu traji tatpi .i je ku'i fizbu lo nu co'a litru .i ko'a birti lo du'u su'o da zo'u da ba nandu .i ku'i ko'a jditce lo ka zanfri
fa'o