nu kesfange corci
06 Mar 2024Witagfrey
[[lisri temci]]ze'a lo nu ce'u litru so'i tarciste zo'u: vajni fa lo nu dubju'o lo vrici corci noi se pilno lo kesfange
.i lo ti clinoi cu jai filri'a lo nu do jimpe tu'a lo ralju corci
ni'o
1. lonu lo cmadegji cu desku pa'omo'i lo gapru calonu lo tance ca'o se kruvi
nu ce'u mulno randa lo nu lo nunji'e be do cu smucau
2. ga'orgau loi ctebi calonu cmoni tai lo gerku sa'ei .uuf.uuf!
jdenoi lo zdani be do lo nu bazi arxokuna nungunta
3. ko tamsmi fi lo toldi loka desygau lo nalci be do
salci co snada lo nunjmaji be do jo'u lo xanri pendo be do
4. ko gacyse'a lo cutne be do je krixa zo ooooooooouuuuuaaaa!!
nu terpygau lo da'inri bradi je cu zdile lo selpa'i be do
5. ko cabna ke senci je befkafke to(o'i vajni sai fa lonu na faxycpe ja'enai lonu lo vitke be do co'a fengu)toi
nu jarco lo ka do mo'u citka lo pluka jugysai
6. lo nu desygau ro lo tu'ubirka be do je jgegau ri
nu cfipu fa lonu makau tcika lonu loi trene cu darca
7. ko pipkla lo tumla se pi'o lo xance jo'u lo jamfu jecu fegba'u
nu bandu zo'e lo malfu'a poi fasnu gau lo drata munje respa
8. lo dilnu be lo xinmo co'a tolcanci lo vacri ca lonu lo kesfange cu rapyzu'e lonu cmoni lo'i sibli je kliki poi'i pluja porsi sance
e'anai
9. ko kucysimgau lo degji jecu gasnu lonu lo kanla cu tamsmi loka se kruca je bebna
xe fanva fa lu "lo vimku'a cu zvati ma?" li'u
10. cranygau lo xance je desygau ri tai la'oi djaz zgike
nu talsa fi loka catra fi le pu'u zajba